आज भ्यालेन्टाइन डे : रंगशालामा सुन्तलीले धुर्मुसलाई चुम्बन दिएपछि सुरु भयो मैत्रीपूर्ण खेल

काठमाडौ । धुर्मुस सुन्तलीलाई अहिले भ्याई नभ्याई छ । आफुले निर्माण गरेको पहिलो चलचित्र सेन्टी भाइरसको प्रचार प्रसार गर्नुपर्ने साथै गौतमबुद्ध अन्तराष्ट्रिय क्रिकेट रंगशालाको लागि सहयोग जुटाउने अभियानमा हिड्नुपर्ने हुँदा धुर्मुस सुन्तली अहिले व्यस्त माथि व्यस्त छन् ।

सेन्टी भाइरस को प्रमोसनका लागि धुर्मुस सुन्तलीले बन्दै गरेको रंगशालामा मैत्रीपूर्ण क्रिकेट खेल आयोजना गरेका छन् । चलचित्र पत्रकारहरु र सेन्टी भाइरसका कलाकारहरु बीच हुन लागेको मैत्रीपूर्ण क्रिकेट खेल आज हुँदैछ । यो खेल पूर्णता चलचित्र प्रचार प्रसार र रंगशाला सहयोगार्थ हुने गरि आयोजना गरेको आयोजकले बताएका छन । काठमाडौबाट पत्रकारहरु हिजो चितवन पुगेका छन् भने अहिले उक्त खेल सुरु भएको छ ।

सेन्टी भाइरसका मुख्य कलाकारहरु समेत चितवन पुगेर रंगशाला निर्माणको अभियानमा हात बढाईरहेका छन् । दयाहांग राई, विल्सन विक्रम राई, बुद्धि तामाङ्ग, कुमार कट्टेल, अर्जुन घिमिरे लगायत कलाकारहरु चितवनमा छन् र आजको खेलमा सहभागी हुँदै छन् ।

आज भ्यालेन्टाइन डे अर्थात प्रेम दिवस भएका कारण धुर्मुस सुन्तलीले प्रेम दर्शाउंदै आजको मैत्रीपूर्ण खेल सुरु गरेका छन् । धुर्मुसले घुंडा टेकेर सुन्तलीलाई प्रपोज गरेका छन् भने सुन्तलीले धुर्मुसको गालामा चुम्बन गर्दै खेल सुरु गरेका छन् । धुर्मुस सुन्तलीको माया देखेर सबै एकछिन लोभिएका समेत थिए ।

Leave a Reply

Your email address will not be published. Required fields are marked *

Loading…

0

Comments

0 comments

प्रतिविद्रोह अवधारणा बटुल्दै सेना

ग्यास्ट्रिक तथा अल्सरको संक्रमण बाट मात्र नभइ मोटोपना घटाउन सहयोग गर्छ अकबरे खुर्सानीले , यस्ता छन् अन्य फाइदाहरु