बेलायती अर्थमन्त्री जाविदद्वारा राजीनामा, राजीनामालगत्तै सुनक नियुक्त

लन्डन – बेलायतका अर्थमन्त्री साजिद जाविदले आफ्नो पदबाट बिहीबार राजीनामा दिनुभएको छ । प्रधानमन्त्री बोरिस जोनसनले जाविदको राजिनामा स्वीकृत गर्दै नेता ऋषि सुनकलाई नयाँ अर्थमन्त्रीको रूपमा नियुक्त गनुभएको छ ।उनान्चालीस बर्षीय सुनक एक व्यापारीक पृष्ठभूमिबाट अर्थमन्त्री बन्नुभएको छ भने उहाँले बेलायतको राजस्व हेर्ने मुख्य सचिवको जिम्मेवारी सम्हाल्नुभएको थियो ।

डिसेम्बरको चुनावमा संसदमा बहुमत ल्याएपछि बनेको जोनसन सरकारले आफ्नो मन्त्रिपरिषद्को पहिलो फेरबदलमा अर्थमन्त्रीलाई पारेको जाविदका प्रवक्ताले पुष्टि गर्नुभएको छ ।बेलायतको समाचार संस्था प्रेस एसोसिएसनले जाविदको निकटस्थ एक अज्ञात स्रोतलाई उद्धृत गर्दै लेखेको छ, “जोनसनले जाविदलाई आफ्नो सहयोगीहरूको समूहबाट बर्खास्त गर्न चाहेको तर उनले अस्वीकार गरेपछि राजिनामा दिनुभएको छ ।”“उहाँले चान्सलर अफ एक्सचेकरलाई पनि अस्वीकार गर्नुभएको छ,” स्रोतले भन्यो । “प्रधानमन्त्रीले अर्थमन्त्रीका सबै विशेष सल्लाहकारलाई हटाई संयुक्त अधिराज्यको सल्लाहकारको एउटै समूह बनाउने तयारी गरेपछि जाविदले राजिनामा दिनुभएको हो ।”

“कुनै पनि स्वाभिमानी मन्त्रीले यी सर्तहरू स्वीकार गर्दैनन्,” उहाँले बताउनुभयो ।बेलफास्टमा गठबन्धन सरकारको पुनः स्थापनाका लागि भूमिका निभाएका उत्तरी आयरल्याण्डका मन्त्री जूलियन स्मिथलाई प्रतिस्थापित गरेपछि असन्तुष्ट बनेका जाविदले अर्थमन्त्रीबाट राजीनामा दिनुभएको हो । पचास वर्षीय जाविद एक वरिष्ठ बैंकरबाट राजनीतिमा आउनुभएको थियो । पूर्व अर्थमन्त्री फिलिप ह्यामण्डको स्थानमा अर्थमन्त्री हुनुभन्दा पहिले उहाँले गृहमन्त्रीको जिम्मेवारी सम्हाल्नुभएको थियो । (रासस÷एएफपी)

Leave a Reply

Your email address will not be published. Required fields are marked *

Loading…

0

Comments

0 comments

कोरोनाका कारण टोकियो ओलम्पिक स्थगित नभएको दावी

कुवेतमा ढिस्कोले पुरिएर ज्यान गुमाउने ४ जनाको पहिचान खुल्यो