पूर्खादेखि गर्दै मान्दै आएको परम्परा हामी एकैचोटी छोड्न सक्दैनौ, सबै परिवर्तन विस्तारै हुन्छ : राउटे

गुराँस गाउँपालिकाले स्थायी परिचयपत्र प्रदान गरेर गाउँपालिकाको नागरिक बनाएको लोपोउन्मुख राउटे समुदायका मुखिया र युवाहरु पहिलोपटक गाउँसभामा सहभागी भएका छन् ।

राउटे समुदायका मुखिया र युवा गाउँपालिकाको पाचौँ गाउँसभामा सहभागी हुन रानीमत्ता आएका थिए । राउटे समुदायलाई पनि बजेटमा अपनत्व कायम गराउन सभामा सहभागी गराइएको गाउँपालिकाका अध्यक्ष खेमराज ओलीले बताउनुभयो ।

सभामा बोल्दै राउटे मुखिया सूर्यनारायण शाहीले आफ्ना जनताका लागि पनि बजेट विनियोजन गराउन माग गर्नुभयो । “राउटे परिवर्तनको बाटोमा हिँडेको छ, विस्तारै परिवर्तन हुन्छ”, मुखिया शाहीले भन्नुभयो, पूर्खादेखि गर्दै मान्दै आएको परम्परा हामी एकैचोटी छोड्न सक्दैनौ, सबै परिवर्तन विस्तारै हुन्छ ।”

अर्का महामुखिया महिनबहादुर शाहीले राउटे समुदाय फिरन्ते भएको हुँदा दैलेखका विभिन्न ठाउँमा घुमे पनि अब दैलेख बाहेक अन्य जिल्लामा नजाने बताउनुभयो । ध्यक्ष ओलीले राउटे समुदायको कला संस्कृतिलाई जगेर्ना गर्दै उनीहरुको संस्कृति जोगिने खालको बजेट व्यवस्था गरिने बताउनुभयो । उहाँले राउटे समुदायको संरक्षणका लागि आफूले धेरै प्रयास थालेको जानकारी दिनुभयो ।

कर्णाली प्रदेशका सभामुख राजबहादुर शाहीले उक्त गाउँपालिकाले राउटे समुदायलाई गरेको कार्य प्रसंशायोग्य रहेको बताउनुभयो । धेरै व्यक्तिले राउटेका पछाडी लाग्नु गलत भने पनि यसको दिगो फाइदा समग्र प्रदेशलाई हुने उहाँको धारणा छ । उहाँले राउटे समुदायको संस्कृति, परम्परा र वेषभूषा जोगाउनुपर्नेमा जोड दिनुभयो । (रासस)

Leave a Reply

Your email address will not be published.

Loading…

0

Comments

0 comments

खेतमा रोपाइँ गर्ने गएकी दुर्गाको  करेन्ट लागेर घटनास्थलमानै ज्यान गयो

एसईईको नतिजा भोलिमात्रै, बोर्ड बैठक पनि भोलि नै