लोकसेवाको विवाद बुधबारका लागि सर्यो

सर्वोच्च अदालतमा लोकसेवा आयोगको स्थानीय तहको विज्ञापनसम्बन्धी विवादका चार वटा रिट निवेदनमाथि आजबाट सुनुवाइ शुरु गरेको छ ।
न्यायाधीशद्वय हरिकृष्ण कार्की र डा ईश्वरप्रसाद खतिवडाको संयुक्त इजलासमा आजदेखि सुनुवाइ शुरु भएको हो । बहस नसकिएपछि ‘हेर्दाहदै’ मा बुधबारका लागि तय भएको छ ।

यसअघि, न्यायाधीशद्वय कार्की र डा खतिवडाको इजलासले यही असार ४ गते आयोगको स्थानीय तहको विज्ञापनसम्बन्धी सबै विवाद एउटै इजलासमा सुनुवाइ गर्ने आदेश जारी गरेको थियो । आयोगले स्थानीय तहमा विभिन्न पदका लागि गरेको विज्ञापनका विषयमा परेका चारवटै विवादलाई एकै ठाउँमा राखेर सुनुवाइ गरेको हो ।

आयोगले गत जेठ १५ गते देशभरका ५१५ स्थानीय तहका लागि भन्दै नौ हजार, १६१ सिटका लागि गरेको विज्ञापनविरुद्ध चारवटा रिट निवेदन सर्वोच्च अदालतमा परेका थिए । विज्ञापन समावेशी सिद्धान्त विपरीत भएको रिट निवेदनमा उल्लेख थियो ।

Leave a Reply

Your email address will not be published.

Loading…

0

Comments

0 comments

टोखाको घटनामा अब टेलिफिल्म ‘खबरदार नेपाल’ बन्दै

समलिङ्गी केटा केटाको विहे, यौन जीवनबारे यसो भने