रोनाल्डोले युभेन्टसलाई जोगाए हारबाट

काठमाडौं । सिरी ए फुटबल अन्तर्गत शुक्रबार राति भएको खेलमा इटालियन च्याम्पियन युभेन्टस डर्बी हारबाट जोगिएको छ । स्टार स्ट्राइकर क्रिष्टियानो रोनाल्डोले खेलको अन्तिम तिर गोल गर्दै टिमलाई हारबाट जोगाएका हुन् । युभेन्टसले छिमेकी क्लब तोरिनोसँग १–१ को बराबरी खेलेको हो । १८ औँ मिनेटमा सासा लुकिकको गोलबाट तोरिनोले सुरुवाति अग्रता लियो ।

पहिलो हाफमा र दोस्रो हाफको अधिकांश समय १–० ले पछि परेको युभेन्टसका लागि ८४ औँ मिनेटमा रोनाल्डोले बराबरी गोल फर्काएका छन् । रोनाल्डोको गोलले डर्बी खेलमा अवे मैदानमा २४ वर्षपछि जित निकाल्ने तोरिनोको सपना पूरा हुन पाएन । तर सिरी ए फुटबलमा उसले कीर्तिमानी ५७ अंक भने जोड्न सक्यो ।

लिगका तीन खेल बाँकी हुँदा ५७ अंकसहित सातौँ स्थानमा रहेको तोरिनोको यो अंक सिरी ए को इतिहासमा उसले बनाएको सबैभन्दा धेरै अंक हो । उपाधि पक्का गरिसकेको युभेन्टसको ८९ अंक छ ।

Leave a Reply

Your email address will not be published.

Loading…

0

Comments

0 comments

आज आमाको मुख हेर्ने दिन, काठमाडौंको मातातीर्थमा ठूलो मेला लाग्ने

आमाः संसारकै सबभन्दा महान् आमाको मुख हेर्ने दिन आज